Em Rêhevalê Xwe Dijwar Tolhildan Bi Rêzdarî Bibîrtînin

Em Rêhevalê Xwe Dijwar Tolhildan Bi Rêzdarî Bibîrtînin

Ji Çapemenî û Raya Giştî Re!

Hevrêyê me Dijwar Tolhildan di 2’yê Adara 2022’yan de li Garê tevlî karwanê şehîdan bû.

Hevrêyê me Dijwar jiyana xwe ya şoreşgerî li metropolên Tirkiyeyê yên ku herî zêde zextên dijmin lê bûn û piştre jî li navendên pergala kapîtalîst berdewam kir. Paşê hat çiyayên Kurdistanê yên ku di hesreta wê hebû û têkoşîna xwe hîn mezintir kir. Hevrêyê me yê ku her kêliya xwe bi hemû hêza xwe jiya û di nava refên gerîla de li ber xwe da; bi tevlîbûna xwe ya bênavber û hevaltiya xwe ya xurt di dilê her hevrêyên ku pê re xebitî de cih girt. Hevrêyê me Dijwar ji bo xeyalên ku di dilê xwe yê pak de afirandiye pêk bîne bênavber têkoşiya, bîranînên xweş û hevaltiyek ku tu carî neyê jibîrkirinî di nava jiyana xwe ya şoreşgerî de cih kir.

Em sersaxiyê ji malbata hevrêyê me yê hêja Dijwar û hemû gelê me yê welatparêz ê Xelfetî û Kurdistanê re dixwazin.

Agahiya nasnameya hevrêya me Dijwar Tolhildan wiha ye:

Dijwar
Navê Kod:
Dijwar Tolhildan
Nav:
Mûstafa Yalçinkaya
cihê jidayikbûnê:
Riha
Navê Dayik:
Havva
Navê Bav:
Kasim
Cihê Şehadetê:
Garê
Dîroka Şehadetê:
2. 3. 2022

          Dijwar Tolhildan – Mustafa Yalçınkaya

Hevrêyê me Dijwar li navçeya Xelfetî ya Rihayê di malbateke welatparêz de ji dayik bû. Hevrêyê me Dijwar ji ber ku xaka ku lê ji dayik bûye di nav qadên ku têkoşîna me de pêşî lê şîn bûye, çanda welatparêziyê serdest bûye, ji zarokatiya xwe ve partiya me PKK û têkoşîna me nas kir.mHevrêyê me yê ku weke her zarokê Kurd di temenê xwe yê biçûk de di dibistanên mêtingeran de dest bi nakokiyên jiyanê kir, hîn bû ku zimanê ku bi taybetî ji dayika xwe hîn bûye û di jiyana xwe de bi kar aniye, hatiye qedexekirin. Ji ber vê yekê hevrêyê me yê ku dest bi naskirina rastiya dijmin kir, tevî ku demekê dibistan xwendiye jî zîhniyet û pêkanînên dijmin ên qirkirinê qebûl nekir. Ji bo parastina cewhera ku afirandiye, bersiva pêwîst da dewleta Tirk a qirker. Hevrêyê me Dijwar ku ji biçûkatiya xwe ve ji bo debara malbata xwe di gelek karan de dixebitî, bi kesayeta xwe ya kedkar di nava derdora xwe de hat hezkirin. Hevrêyê me Dijwar ku di dema pêşketina Şoreşa Azadiyê ya Rojava de dest bi şopandina têkoşîna azadiya gelê me kir, li hemberî êrîşên çeteyan ên li dijî destkeftiyên gelê me hêrseke mezinpê re çêbû. Bi taybetî ji ber ku dewleta Tirk êrîşên çeteyan bi rê ve dibir, hişt ku hevrêyê me Dijwarji bo têkoşînê têkeve nava lêgerînê. Hevrêyê me yê ku dizanîbû cihê herî baş a li dijî êrîşan tevlîbûna nava refên gerîla ye li çiyayên Kurdistanê ye, lê ji ber hin sedemên cuda nekarî vê daxwaza xwe bi cih bîne. Hevrêyê me Dijwar ku di destpêka sala 2017’an de çû Ewropayê, li vir jî têkoşîna xwe domand. Hevrêyê me yê ku demekê di nava xebatên ciwanên şoreşger ên welatparêz de cih girt, bi tevlêbûna xwe ya çalak beşdarî rêxistinbûn û hişyarkirina ciwanên Kurd ên li Ewropayê bû. Hevrêyê me Dijwar ku di sala 2019’an de dema ku êrîşên dijmin ên li ser gelê me û Tevgera me di asta herî jor de bû, kete nav lêgerîna ku divê weke ciwanekî Kurd ê welatparêz û şoreşger erka xwe bi cih bîne. Hevrêyê me hemû şert û mercên ku pergala kapîtalîst pêşkêşî wî kiribûn red kir û berê xwe da çiyayên Kurdistanê.

Biryardarî û îradeya hevrêyê me Dijwar di asta herî jor de bû, di her kêliya jiyanê de bi coşa ku bigihêje çiyayên azad ên Kurdistanê re bi awayekî çalak cih digirt. Hevrêyê me yê ku bi perwerdeya şervanê nû yê ku dîtî xwe bi jiyana çiya û gerîlatiyê re adapte kir, bi saya tecrubeyên xwe yên bîrdozî û rêxistinî yên berê, di demeke kin de bû gerîlayekî jêhatî. Hevrêyê me yê ku bi perwerdehiya li çiyê dît, bandorên neyînî yên pergala kapîtalîst a li ser xwe yek bi yek ji holê rakir û taybetmendiyên mirovê azad ên Modernîteya Demokratîk di kesayeta xwe de bi cih kir. Di heman demê de hevrêyê me yê ku bi erk û berpirsyariyên pêvajoya dîrokî ya ku em weke gel û Tevger di nav de ne, ji bo bersivê bide pêvajoya şerê dijwar xwe di warê leşkerî de pêşxist û jêhatî bû. Di vê wateyê de ji bo pisporiya taktîkên gerîlayên serdema nû kete nava hewldaneke dijwar. Hevrêyê me Dijwar dizanîbû ku weke milîtanekî Apoyî li her derê ked û xebat pêwîst e, ji bo hemû hevrêyên xwe di her xebata ku tê de cih girt de durist, kedkar û berhemdar bû. Hevrêyê me yê ku di çêkirina tunelên şer de kedeke mezin da û girîngiya wê ya ji bo têkoşîna me îro zêdetir derketiye holê. Di hemû xebatên ku tê de cih girtiye bi eşq ked da û baweriya xwe ya bi taktîkên serdemê anî ziman.

Hevrêyê me ku di nirxandineke xwe de diyar kir ku yek ji armancên wî yên herî mezin ew e ku bibe hevrêyê Rêber Apo û dizanibû ku ev yek bi kûrkirina felsefeya Rêber Apo pêkan e. Li ser vê bingehê hevrêyê me yê ku her kêliya xwe bi xwendin û dahûrandinên Rêbertî derbas kir. Bi kesayeta milîtanî ya ku bi dest xistibû û bi hevaltiya xwe ya xurt re gavên xurt diavêt. Pêşniyara hevrêyê me Dijwar ku ji bo bersivdayîna êrîşên dewleta Tirk a dagirker ji sala 2021’an û vir ve li dijî Herêmên Parastinê yên Medyayê bi tundî pêş dixe, pêşniyara çûna herêmên ku şer lê dijwar e kir. Lê hevrêyê me di tunelên berxwedanê yên ji Metîna heta Avaşînê de têkoşîna lehengiyê ji nêz ve hîs kir û dilê wî her tim bi hevrêyên xwe re bû. Bi mezinkirina tempoya xwe ya li qadan û xebata xwe ya ji bo tevlîbûna şerê dîrokî fedekariyeke mezin meşandin, bû layiqî hevrêyên xwe yên di pêvajoya berxwedanê de şehîd bûne.

Şehadeta hevrê Dijwar ku bi kesayeta xwe ya durist, sade û gihîştî ji aliyê hemû hevrêyên xwe ve hate hezkirin û mînak hat girtin, ji hevrêyên wî giran bû. Bîranînên giranbuha ku li pey xwe hiştiye wê têkoşîna me ronî bike.

 

2’ê Adar a 2024

Navenda Ragihandin û Çapemeniya HPG

Daxuyanî

Hewrêyê Me Berjîn Canda Gihişt Şehadetê

19.04.2024
Daxuniya Şehîdan a HPG BİM

Zêdetir Bixwîne

Hewrêyê Me Dilxwaz û Argeş Gihiştin Şehadetê

17.04.2024
Daxuniya Şehîdan a HPG BİM

Zêdetir Bixwîne

Hewrêyê me Bêrîtan û Garzan Gihiştin Şehadetê

15.04.2024
Daxuniya Şehîdan a HPG BİM

Zêdetir Bixwîne

Hewrêyê Me Delal Zanyar Gihişt Şehadetê

14.04.2024
Daxuniya Şehîdan a HPG BİM

Zêdetir Bixwîne

Mîllîtana  Fedaî a Apoyî Rêhevala me Eser gihişt şehadetê

13.04.2024
Daxuniya Şehîdan a HPG BİM

Zêdetir Bixwîne

Cejna Gelê Me Û Hevrêyên Me Pîroz Be!

11.04.2024
HPG BİM Daxuyanî

Zêdetir Bixwîne

Belgeyên Di Derbarê Rastiyên Ku Artêşa Dagirker Veşartî De!

09.04.2024
HPG BÎM Daxuyanî

Zêdetir Bixwîne

Dagirkerên Ku Berê Xwe Dan Tunelên Şer Hatin Cezakirin

09.04.2024
HPG BÎM Daxuyanî

Zêdetir Bixwîne

telegram